Adhabu ya doezi la wake za watu hii hapa...

Jamaa mmoja alikuwa na mke wake waliyependa sana. Kutokana na upendo huo jamaa alihakikisha mkewe anapata kila kitu anachotaka. Hata hivyo kwa bahati mbaya mwana mama huyo hakuwa muaminifu kama mume wake alivyotarajia kwani alikuwa na mpenzi mwingine (kibustani) ambae alikuwa akimuhudumia kila mumewe anapokuwa kazini. Mbaya zaidi ni kwamba dada huyo alikuwa akimlisha bwana huyo na kumnunulia nguo kwa fedha anazopewa na mumewe. Baada ya masiku kadhaa mumewe akapata hisia kwamba mkewe ana mtu mwingine kwani tabia zake zilianza kubadilika. Hata hivyo hakufanya papala.

Jumatatu moja jamaa akaamua kuondoka kazini mapema saa tano asubuhi na kurudi nyumbani ili kuona kilichokuwa kikiendelea. Alipofika nyumbani akakuta milango iko wazi lakini mkewe hakuwepo. Jamaa akaingia ndani na kuchunguza kila mahali ili kuona kama ataona chochote cha kumuonesha kama mkewe anafanya uzinzi.Chini ya uvungu wa kitanda ndiko alikoona kitu kilichomtia wasiwasi. Alikuta sahani iliyojaa pilau na nyama za kukaanga ikiwa imefunikwa na sufuria na kisha kufungwa na kitambaa kana kwamba inapelekwa mbali nje ya nyumbani. Mara moja jamaa akajua chakula hicho kilikuwa kimeandaliwa kwa ajili ya kupelekwa kwa doezi wake. Kwa haraka jamaa akavuta sahani na kupekua kati kati ya sahani hiyo akisogeza pilau pembeni, kisha akajisaidia haja kubwa katikati ya pilau na halafu akarudishia kila kitu kama kawaida. Baada ya uhujumu huo jamaa akarudishia kila kitu kama kilivyokuwa na kutimua.

Mwanamke aliporudi bila kujua kilichotokea, akachukua msosi na kukimbilia kwa doezi. Kwa bahati nzuri siku hiyo doezi huyo alikuwa amemualika rafiki yake mpenzi ili wafaidi pilau hivyo chakula lilipowekwa mezani tu jamaa wakaanza kukishambulia huku mke wa watu akiwamenyea nanasi ili washushie baada ya chakula. Ni baada ya kula robo ya chakula ndipo jamaa walipoanza kusikia harufu isiyo ya kawaida...hata hivyo wakaendelea kula huku kila mmoja alimuhisi mwenzie katoa hewa chafu. Dakika mbili baadae ndipo walipokutana na scud... Varangati lililozuka humo ndani halielezeki.

Mwenye mke aliporudi nyumbani akamkuta akiwa amevunjika mkono na uso umejaa manundu. alipomuuliza kulikoni mke akadai kapigwa na vibaka. Jamaa akaenda kuangalia uvunguni mwa kitanda na kukuta sahani ya pilau haipo...kumuuliza mkewe iko wapi? mama akabaki akipepesa macho. TALAKA ikafuatia....