Mama kahaba Ahukumiwa na mahakama kufunzwa dini

Jaji mmoja Kaskazini Magharibi mwa Pakistan ameamuru mwanamke mmoja anayeshutumiwa kuendesha biashara ya danguro kujirekebisha kwa kuhudhuria masomo ya dini darasani katika msikiti kila siku kwa muda wa mwezi mmoja.

Jaji Dost Mohammad Khan wa mahakama kuu ya Peshawar amefanya uhudhuriaji huo wa masomo ya dini kuwa kama sehemu ya masharti ya dhamana yanayotakiwa kutimizwa na mwanamke huyo.

Amemtaka Imam wa msikiti kuwasilisha ripoti ya maendeleo ya mwanamke huyo baada ya mwezi mmoja kukamilika.

Wachambuzi wanasema kuwa masharti ya mtu kubadilika kiroho yaliyotolewa na jaji huyo ni nadra sana kutolewa na pengine haikuwahi kutokea.